ឯកឧត្តម អៀង មូលី ទេសរដ្ឋមន្រ្តី ទទួលបន្ទុកបេសកកម្មពិសេស និងជា ប្រធានអាជ្ញាធរជាតិប្រយុទ្ធនឹងជំងឺអេដស៍ អញ្ជើញជាអធិបតីក្នុងកិច្ចប្រជុំអន្តរក្រសួង ស្វែងរកដំណោះស្រាយទាក់ទងនឹង ប្រាក់ឧបត្ថម្ភពីមូលនិធិសកល
នាព្រឹកថ្ងៃទី២៥ ខែមីនា ឆ្នាំ២០១៥ នៅអាជ្ញាធរជាតិប្រយុទ្ធនឹងជំងឺអេដស៍ បានរៀប ចំកិច្ចប្រជុំអន្តរក្រសួងមួយក្រោមអធិបតីភាព ឯកឧត្តម អៀង មូលី ទេសរដ្ឋមន្រ្តី ទទួល បន្ទុកបេសកកម្មពិសេស និង ជាប្រធានអាជ្ញាធរជាតិប្រយុទ្ធនឹងជំងឺអេដស៍។
អញ្ជើញចូលរួមនៅក្នុងនៅក្នុងកិច្ចប្រជុំដ៏មានសារៈសំខាន់នេះមាន ថ្នាក់ដឹកនាំ អាជ្ញាធរជាតិប្រយុទ្ធនឹងជំងឺអេដស៍ និង វត្តមាន ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ អគ្គនាយក តំណាងក្រសួង សុខាភិបាល ក្រសួងសេដ្ឋកិច្ច និងហិរញ្ញវត្ថុ និងក្រសួងមុខងារសាធារណៈ។
គួររំលឹកថា នាពេលកន្លងមកប្រទេសកម្ពុជាបានទទូលការឧបត្ថម្ភថវិកាសំរាប់ គំរោងប្រយុទ្ធនឹងជំងឺអេដស៍ របេង គ្រុនចាញ់ និងគំរោងជួយពង្រឹងប្រព័ន្ធសុខាភិបាល ជាបន្តបន្ទាប់។ ក្នុងនោះថវិកាមួយភាគនៃគំរោងកម្មវិធី គាំទ្រមូលនិធិសាកល ត្រូវបាន អនុញ្ញាតិផ្តល់ជាប្រាក់លើកទឹកចិត្តបន្ថែមដល់មន្រ្តីរដ្ឋាភិបាលដែលចូលរួមអនុវត្តគំរោងកម្ម វិធីទាំងនោះ។ ប៉ុន្តែដោយមានការថយចុះការផ្តល់មូលនិធិពីប្រទេសម្ចាស់ជំនួយដល់មូលនិធិនេះ និងដោយមូលនិធិសកលបានផ្តល់អនុសាសន៍ដល់ប្រទេសទទួលជំនួយអោយ សិក្សាពីលទ្ធភាពឧបត្ថម្ភមន្ត្រីរាជការដោយខ្លួនឯងចាប់ពីឆ្នាំ ២០១៧ នេះតទៅ ទើប ឯ.ឧ.ទេសរដ្ឋមន្ត្រីបានផ្តួចផ្តើមគំនិតបើកអង្គប្រជុំនេះឡើង ។
ការសំរេចរបស់មូលនិធិសកលនេះ នឹងធ្វើអោយប៉ះពាល់យ៉ាងខ្លាំងដល់ការអនុវត្ត គំរោងកម្មវិធីមូលនិធិសកលរបស់កម្ពុជា និងការផ្តល់សេវាសុខាភិបាលដើម្បីប្រយុទ្ធប្រឆាំង ជាមួយជំងឺ អេដស៍ របេង និងគ្រុនចាញ់នាពេលខាងមុខ។ តាមរយៈការផ្លាស់ប្តូរមតិគ្នារួច មក និងតាមខ្លឹមសារនៃអនុក្រឹត្យលេខ ៦៦ ចុះថ្ងៃទី ១២ ខែ កក្កដា ឆ្នាំ ២០១២ ស្តីពីការ បង្កើតនិងដាក់អោយប្រើប្រាស់ចំណាយប្រតិបត្តិការអាទិភាព ប្រាក់ឧបត្ថម្ភនេះអាចប្រើ ប្រាស់បានតែក្នុងករណីដែលមានក្នុងគំរោងរបស់ដៃគូអភិវឌ្ឍន៍តែប៉ុណ្ណោះ។ ប្រសិនបើ ម្ជាស់គំរោងមិនមានថវិកាសម្រាប់ចំណាយក្នុងផ្នែកនេះទេនោះ ប្រាក់ឧបត្ថម្ភនោះក៏ត្រូវ បញ្ចប់ដែរ។ ក៏ប៉ុន្តែ តាមរយៈការកែទម្រង់ស៊ីជម្រៅខាងផ្នែករដ្ឋបាលរបស់រាជរដ្ឋាភិបាល ក្រសួងសេដ្ឋកិច្ចនិងហិរញ្ញវត្ថុ និង ក្រសួងមុខងារសាធារណៈ ក៏បានគិតគូរជាពិសេស ចំពោះមន្ត្រីក្រសួងសុខាភិបាល និង អប់រំ ដែលនឹងត្រូវផ្តល់ជូននូវប្រាក់បំណាច់មុខងារ ប្រាក់តំបន់ សមស្របតាមការទទួលខុសត្រូវ និងតាមសភាពការណ៏ជាក់ស្តែង។ ជាមួយគ្នា នោះដែរ រាជរដ្ឋាភិបាលបានគិតគូរពីការដំឡើងប្រាក់បៀវត្សមន្ត្រីរាជការទូទៅទៅតាម លទ្ធភាពនៃសេដ្ឋកិច្ចជាតិ។
info@naaa.gov.kh
+855 (0)23 885 129
+855 (0)23 885 279
ភាសាខ្មែរ
English
