ឯ.ឧ. ទេសរដ្ឋមន្រ្តី អៀង មូលី អញ្ជើញជាអធិបតីក្នុងកិច្ចប្រជុំពិសេស គណៈកម្មាធិការប្រតិបត្តិនៃគណៈកម្មាធិការសំរបសំរួលមូលនិធិសកល ប្រចាំប្រទេសកម្ពុជា
ព្រឹកថ្ងៃទី ០៤ ខែមីនា ឆ្នាំ ២០១៥ នៅទីស្នាក់ការកណ្តាលអាជ្ញាធរជាតិប្រយុទ្ធនឹងជំងឺអេដស៍ ឯ.ឧ.ទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ និងជាប្រធានគណៈកម្មាធិការសំរបសំរួលមូលនិធិសកលប្រចាំប្រទេសកម្ពុជា (CCC) បានអញ្ជើញជាអធិបតីនៅក្នុងកិច្ចប្រជុំពិសេសគណៈកម្មាធិការប្រតិបត្តិនៃគណៈកម្មាធិការសំរបសំរួលមូលនិធិសកលប្រចាំប្រទេសកម្ពុជា។
សមាសភាពដែលចូលរួមក្នុងកិច្ចប្រជុំនេះរួមមាន៖
- លោកវេជ្ជបណ្ឌិត Dong-Il Ahn អ្នកតំណាងអង្គការសុខភាពពិភពលោកប្រចាំកម្ពុជានិងជាអនុប្រធាន CCC
- លោក DanielP. Dimick អនុប្រធាន CCC
- លោកស្រី Inga Oleksy មន្រ្តីសម្របសម្រួលទំនាក់ទំនងមូលនិធិសកលរបស់ USAID និងជាសហប្រធានគណៈកម្មាធិការត្រួតពិនិត្យ
- លោក សុខ ធីម ជាសហប្រធានគណៈកម្មាធិការត្រួតពិនិត្យ
- ឯកឧត្តមវេជ្ជបណ្ឌិត ទា ផលា អនុប្រធានអាជ្ញាធរជាតិប្រយុទ្ធនឹងជំងឺអេដស៍
- លោក វេជ្ជបណ្ឌិត ជីវ ប៊ុនធី លេខាធិការ CCC
អវត្តមាន៖
- លោកស្រី Marie-Odile Emond ប្រធានអង្គការ UNAIDS ប្រចាំកម្ពុជា
- លោកជំទាវ កុប មារីយាស រដ្ឋលេខាធិការក្រសួងកិច្ចការនារី។
កិច្ចប្រជុំបានដំណើរការតាមរបៀបវរៈខាងក្រោម៖
- អនុម័តកំណត់ហេតុប្រជុំពិសេសគណៈកម្មាធិការប្រតិបត្តិនៃគណៈកម្មាធិការសំរបសំរួលមូលនិធិសកលប្រចាំប្រទេសកម្ពុជាកាលពី ថ្ងៃទី ១៦ ខែ កុម្ភៈ ឆ្នាំ ២០១៥
- ស្ថានភាពបច្ចុប្បន្នទាក់ទងទៅនឹងការរៀបចំកម្មវិធិគំរោងជំងឺគ្រុនចាញ់
- បច្ចុប្បន្នភាព អំពីការជ្រើសរើសការិយាល័យទទួលជំនួយសំរាប់គំរោងកម្មវិធីប្រយុទ្ធផ្នែកជំងឺអេដស៍
- ដំណើរការជ្រើសរើសការិយាល័យទទួលជំនួយបន្តសំរាប់ឯកសារបង្ហាញទស្សនៈកម្មវិធីគំរោងជំងឺអេស៍
- សំណើពីគណៈកម្មការដឹកនាំផ្នែកជំងឺអេដស៍
- កាលវេលាដែលបានគ្រោង
- កែសំរួលកាលបរិច្ឆេទប្រជុំ CCC (ចន្លោះថ្ងៃទី៥ ទៅ ថ្ងៃទី៨ ខែមេសា ឆ្នាំ២០១៥)
- លិខិតរបស់ CCC ជូនទៅក្រសួងស្ថាប័នរាជរដ្ឋាភិបាល
- ការចូលរួមរបស់ទីប្រឹក្សាបច្ចេកទេសរដ្ឋាភិបាលសហរដ្ឋអាមេរិក ជូនមក CCC (KAP advisor to CCC)
- បទបង្ហាញខ្លីអំពីបរិយាយភារកិច្ច (ToR)
- ដំណើបេសកម្មលើកទី១ ក្នុងសប្តាហ៍ចុងក្រោយនៃខែ មីនា
- បញ្ហាផ្សេងៗ
- អ៊ីម៉េលពីមូលនិធិសកលអំពីរបាយការណ៍របស់លេខាធិការដ្ឋាន CCC
- សំណើរបស់សមាជិក CCC ម្នាក់សុំការឧបត្ថមចូលរួមកិច្ចប្រជុំមួយនៅទីក្រុងបាងកក
info@naaa.gov.kh
+855 (0)23 885 129
+855 (0)23 885 279
ភាសាខ្មែរ
English
