ឯកឧត្តមទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ អញ្ជើញចូលរួម និង ជាអធិបតី បុណ្យខួបគំរប់ ១២ ឆ្នាំ សពព្រះគ្រូ កេសរបញ្ញាថេរោ ម៉ក់ ឈឹម
កាលវេលាម៉ោង ២ និង ៣០ នាទី រសៀល ថ្ងៃទី ០៧ ខែ កុម្ភៈ ឆ្នាំ ២០១៥ ឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ លោកជំទាវ ព្រមទាំងបុត្រា បុត្រី និងឯកឧត្តម លោកជំទាវ ជាទីប្រឹក្សា អនុប្រធាន អគ្គលេខាធិការរង ប្រធាននាយកដ្ឋាននៃ អាជ្ញាធរជាតិប្រយុទ្ធនឹងជំងឺអេដស៍ បានអញ្ជើញចូលរួម និង ជាអធិបតី បុណ្យខួបគំរប់ ១២ ឆ្នាំ សពព្រះគ្រូ កេសរបញ្ញាថេរោ ម៉ក់ ឈឹម អតីតៈព្រះចៅអធិការវត្តមង្គលសួស្តី រការ ឃុំ រការ ស្រុកពារាំង ខេត្តព្រៃវែង។
ជាកិច្ចចាប់ផ្តើមគណៈកម្មារវត្ត មង្គលសួស្តី បានអានរបាយការណ៍ស្វាគមន៍ និងសមិទ្ធផល ជូនចំពោះគណៈអធិបតី បន្ទាប់មកឯកឧត្តមទេសរដ្ឋមន្រ្តីបានសំដែងគារវកិច្ចប្រគេនចំពោះព្រះសង្ឃ លោកតា លោកយាយ និងបងប្អូនជាពុទ្ធបរិស័ទ រួចមកឯកឧត្តមក៏បានមានមតិសំណេះសំណាលថ្លែងរំលឹកអំពីគុណូបការៈនិងស្នាដៃសមិទ្ធផលសាសនាជាច្រើន ដែលសពព្រះគ្រូ ម៉ក់ ឈឹម លោកបានកសាង និង បានបន្សល់ទុកជាមរតកអោយយើងទាំងអស់គ្នា នៅក្នុងវិស័យព្រះ ពុទ្ធសាសនា ដែលជាប្រយោជន៍ពុទ្ធបរិស័ទចំណុះជើងវត្តជាពិសេស ។ យើងទាំងអស់គ្នា នៅតែ ចងចាំអំពីគុណូបការដ៏ធំធេងនេះ និង មិនអាចបំភ្លេចបានឡើយ។
ក្នុងបទសំណេះសំណាល ឯកឧត្តមក៏បានមានប្រសាសន៍អំពីសមិទ្ធផលក្នុងវិស័យសាសនា ដែលបានរស់រៀនមានជិវិតឡើងវិញ បន្ទាប់ពីត្រូវបានបំបាត់មិនអោយមាននៅក្នុងរបបប៉ុលពតនៅ ទូទាំងព្រះរាជាណាចក្រកម្ពុជា ក៏ដូចជានៅឃុំរការ និង ទូទាំងស្រុកពារាំង ។ អស់រយៈពេលជាង ៣០ឆ្នាំមកនេះ ប្រទេសជាតិមានការរីកចំរើនលើគ្រប់វិស័យ សេដ្ឋកិច្ច សង្គមកិច្ច វប្បធម៌ សាសនា និងហេដ្ឋារចនាសម្ព័ន្ធ ស្ពាន ថ្នល់ ។ល។ ឯកឧត្តមក៏បានរំលឹកអោយបងប្អូនពុទ្ធបរិស័ទ បន្តចូលរួម កសាង និងថែរក្សាសមិទ្ធផល អោយបានគង់វង្សយូរអង្វែង។
ជាកិច្ចបញ្ចប់ ឯកឧត្តមទេសរដ្ឋមន្រ្តី ក៏បានស្រង់ព្រះគុណវារីប្រគេនព្រះចៅអធិការវត្តព្រះ នាម នាង លាង និងប្រគេនទ័យទានដល់គណៈកម្មការបុណ្យ និងថវិកាមូយចំនួនដល់យាយជី តាជីដែលបាន ចូលរួមពិធីបុណ្យផងដែរ។
info@naaa.gov.kh
+855 (0)23 885 129
+855 (0)23 885 279
ភាសាខ្មែរ
English
