ឯ.ឧ. ទេសរដ្ឋមន្រ្តី អៀង មូលី អនុប្រធានក្រុមការងារថ្នាក់ជាតិចុះជួយខេត្តកំពង់ស្ពឺ និងជាប្រធានអាជ្ញាធរជាតិប្រយុទ្ធនឹងជំងឺអេដស៍ អញ្ជើញជាអធិបតី ក្នុងកិច្ចប្រជុំបូកសរុបលទ្ធផលបីខែ (សីហា-វិច្ឆិកា ២០១៤) នៅស្រុកបរសេដ្ឋ ខេត្តកំពង់ស្ពឺ
នាព្រឹកថ្ងៃទី៩ ខែធ្នូ ឆ្នាំ២០១៤ ឯកឧត្តមទេសរដ្ឋមន្រ្តី អៀង មូលី អនុប្រធាន ក្រុមការងារថ្នាក់ជាតិចុះជួយខេត្តកំពង់ស្ពឺនិងជាប្រធានអាជ្ញាធរជាតិប្រយុទ្ធនឹងជំងឺអេដស៍ បានអញ្ជើញជាអធិបតីក្នុងកិច្ចប្រជុំបូកសរុបលទ្ធផលបីខែ (សីហា-វិច្ឆិកា ២០១៤) នៅស្រុក បរសេដ្ឋ ខេត្តកំពង់ស្ពឺ ដោយមានការចូលរួមពី ឯកឧត្តម អស់លោក លោកស្រី ជាអនុប្រធាន និង សមាជិកក្រុមការងារចុះជួយស្រុកបរសេដ្ឋ ថ្នាក់ដឹកនាំអាជ្ញាធរជាតិ ប្រយុទ្ធនឹងជំងឺអេដស៍ អាជ្ញាធរមូលដ្ឋាន និង មន្ទីរពាក់ព័ន្ធក្នុងខេត្តកំពង់ស្ពឺ ។
បន្ទាប់ពីសម្តែងនូវការស្វាគមន៍ និង ថ្លែងអំណរគុណចំពោះអាជ្ញាធរមូលដ្ឋាន រួចមក ឯកឧត្តមទេសរដ្ឋមន្រ្តីបានអនុញ្ញាតឱ្យ លោកអភិបាលស្រុកបរសេដ្ឋ មេឃុំទាំង១៥ ក្នុងស្រុក ឡើងធ្វើរបាយការណ៍ និង លើកឡើងពីបញ្ហាប្រឈម និង សំណូមពរនានានៅ ទូទាំងស្រុកបរសេដ្ឋ ។ ឯកឧត្តមទេសរដ្ឋមន្រ្តីក៏បានពិនិត្យលើសំណូមពរនានាដែលបាន លើកឡើងនៅក្នុងរបាយការណ៍ និង បានសួរអាជ្ញាធរមូលដ្ឋានឱ្យបញ្ជាក់អំពីដំណោះ ស្រាយលើចំណុចលម្អិតនីមួយៗ ។ ដោយមានការអនុញ្ញាតពីឯ.ឧ.ទេសរដ្ឋមន្រ្តី ប្រធានអង្គប្រជុំ លោកប្រធានមន្ទីរ ធនធានទឹក បានឡើងធ្វើការឆ្លើយបំភ្លឺអំពីដំណោះស្រាយលើបញ្ហា និង សំណូមពរនានា ដែលប្រជាពលរដ្ឋបានលើកឡើងនៅក្នុងវេទិកាសាធារណៈកន្លងមក ទាក់ទងនឹងការងារ ធនធានទឹកដូចជា ធ្វើទំនប់ ទ្វារទឹក ប្រឡាយ ។ល។
ឯកឧត្តមបានគូសបញ្ជាក់ថា តាមបទពិសោធន៍កន្លងមក នៅក្នុងវេទិកាសាធារណៈ ការអញ្ជើញប្រធានមន្ទីរនានានៅក្នុងខេត្តមកពន្យល់ប្រជាពលរដ្ឋ គឺទទួលបានលទ្ធផល ល្អគួរឱ្យពេញចិត្ត ។ ដូច្នេះ គួរតែអញ្ជើញប្រធានមន្ទីរនានាមកចូលរួមឱ្យបានច្រើននៅក្នុង ការប្រជុំ ក៏ដូចជានៅក្នុងវេទិកាលើកក្រោយៗទៀត ។
នៅទីបញ្ចប់ ឯកឧត្តមទេសរដ្ឋមន្រ្តីបានផ្តល់ជាអនុសាសន៍ឱ្យអាជ្ញាធរស្រុក/ឃុំ ខិត ខំប្រឹងប្រែងបំពេញការងារ ដោយដោះស្រាយបញ្ហានានាទៅតាមសំណូមពរ និង លទ្ធភាព ជាក់ស្តែង រៀបចំការប្រជុំឱ្យបានញឹកញាប់ និង ទៀងទាត់ និង លើកជាសំណើដែលត្រូវ ដោះស្រាយទៅថ្នាក់ខេត្ត ឬថ្នាក់ជាតិ ពីពេលនេះរហូតដល់មានការប្រជុំនៅលើកក្រោយ ។
កិច្ចប្រជុំបានបញ្ចប់ទៅក្រោមបរិយាកាសស្និទ្ធស្នាល និង រីករាយ ។
info@naaa.gov.kh
+855 (0)23 885 129
+855 (0)23 885 279
ភាសាខ្មែរ
English
