ឯ.ឧ. ទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ ដឹកនាំការប្រជុំប្រចាំខែរបស់ថ្នាក់ដឹកនាំអាជ្ញាធរជាតិប្រយុទ្ធនឹងជំងឺអេដស៍
នាព្រឹកថ្ងៃទី១៤ ខែសីហា ឆ្នាំ២០១៤ នៅទីស្នាក់ការកណ្តាលអាជ្ញាធរជាតិប្រយុទ្ធនឹង ជំងឺអេដស៍ ឯ.ឧ.ទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍បានអញ្ជើញ ជាអធិបតីក្នុងកិច្ចប្រជុំប្រចាំខែសីហាថ្នាក់ដឹកនាំអាជ្ញាធរ ។ សមាសភាពដែលចូលរួមក្នុងកិច្ចប្រជុំនេះរួមមាន ៖ ឯកឧត្តម និងលោកជំទាវជាអនុប្រធាន ទីប្រឹក្សា អគ្គលេខាធិការ អគ្គលេខាធិការរង ប្រធាននាយកដ្ឋាននានានៃអាជ្ញាធរ ព្រមទាំង ឯ.ឧ. មានឈីវុន តំណាងឯ.ឧ. ម៉ម ប៊ុនហេង រដ្ឋមន្រ្តីក្រសួងសុខាភិបាលដែលជាអនុប្រធានទី១របស់ អាជ្ញាធរ។
របៀបវារៈនៃកិច្ចប្រជុំនេះរួមមាន ៖
- របាយការណ៍របស់អគ្គលេខាធិការដ្ឋាន ដោយឯ.ឧ. វេជ្ជបណ្ឌិត តែង គន្ធី
- វឌ្ឍនភាពនៃការរៀបចំកំណត់បង្ហាញទស្សនៈ (ពីខែកក្កដា ២០១៥ ដល់ខែធ្នូ ២០១៧) ដោយឯ.ឧ. វេជ្ជ. ទា ផលា
- ការចាត់ចែងដំណើរបេសកកម្មរបស់ថា្នក់ដឹកនាំ មន្រ្តី និង បុគ្គលិករបស់អាជ្ញាធរ ដោយ លោក ឈឹម ឃិនដារ៉េត
- ថវិកាជាតិឆ្នាំ២០១៥ ៖ គម្រោងការបំពេញការងារ/ការទទួលខុសត្រូវក្នុងកិច្ចការងារ ដោយ លោក ឈឹម ឃិនដារ៉េត
- ផ្សេងៗ ។
បន្ទាប់ពីបើកអង្គប្រជុំ ឯ.ឧ.ប្រធានបានអនុញ្ញាតឱ្យ ឯ.ឧ. អគ្គលេខាធិការ តែង គន្ធី មាន ប្រសាសន៍លើរបៀបវារៈទី១ ឯ.ឧ. អនុប្រធាន ទា ផលា មានប្រសាសន៍លើរបៀបវារៈទី២ ដោយស្នើសុំឯ.ឧ. មាន ឈីវុន មានយោបល់បន្ថែម ។ បន្ទាប់មក លោក ឈឹម ឃិនដារ៉េត ប្រធាន នាយកដ្ឋានរដ្ឋបាល និង ហិរញ្ញវត្ថុ ធ្វើបទបង្ហាញលើរបៀបវារៈទី៣ និងទី៤ ។
ក្រោយពីស្តាប់ការពិភាក្សា និង បទបង្ហាញរួចមក ឯ.ឧ.ប្រធានបានដាក់ចេញនូវអនុសាសន៍ ដូចខាងក្រោម ៖
- យុទ្ធសាស្រ្តរបស់កម្ពុជាឆ្ពោះទៅរកគោលដៅ ៣សូន្យ
- ការប្រុងប្រយ័ត្នចំពោះការវិលមកវិញនៃមេរោគអេដស៍ (រលកទី២ ដែលអាចធ្ងន់ធ្ងរជាងរលកទី១កន្លងទៅ)
- ការប្រើប្រាស់ថវិកាជាតិ ៖ ត្រូវធ្វើឱ្យបានតាមរបៀប ថវិកាតាមកម្មវិធី
- ប្រាក់បេសកកម្ម តាមអនុក្រឹត្យថ្មី
- ប្រាក់ Incentive របស់មូលនិធិសកល
- ការត្រៀមប្រជុំក្រុមប្រឹក្សាគោលនយោបាយអាជ្ញាធរជាតិប្រយុទ្ធនឹងជំងឺអេដស៍
- ការត្រៀមរៀបចំទិវា ១ ធ្នូ
- ការចងក្រងឯកសារសន្និសីទអេដស៍២០១៤ ៖ បង្កើតក្រុមការងារ
- ការប្រើប្រាស់ Website ឱ្យបានទូលំទូលាយ
info@naaa.gov.kh
+855 (0)23 885 129
+855 (0)23 885 279
ភាសាខ្មែរ
English
