ឯ.ឧ. ទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេសដ៍ ជួបពិភាក្សាការងារជាមួយ លេខាធិការទី១ ស្ថានទូតអូស្រ្តាលីប្រចាំកម្ពុជា ទទួលបន្ទុកសហប្រតិបត្តិការអភិវឌ្ឍ (សុខភាព) Margot Morris
នាព្រឹកថ្ងៃទី១៦ ខែកក្កដា ឆ្នាំ២០១៤ នៅទីស្នាក់ការកណ្តាលអាជ្ញាធរជាតិប្រយុទ្ធនឹងជំងឺអេដស៍ ឯ.ឧ. ទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ បានជួបពិភាក្សាការងារ ជាមួយលេខាធិការទី១ ស្ថានទូតអូស្រ្តាលីប្រចាំកម្ពុជាលោកស្រី Margot Morris ទទួលបន្ទុក សហប្រតិបត្តិការអភិវឌ្ឍ (សុខភាព) ។ ចូលរួមក្នុងជំនួបនោះមាន ឯ.ឧ. ទា ផលាអនុប្រធាន អាជ្ញាធរជាតិប្រយុទ្ធនឹងជំងឺអេដស៍ និង លោកវេជ្ជ សួស ប្រឹមប្រិយ អ្នកគ្រប់គ្រងកម្មវិធីជាន់ខ្ពស់ ផ្នែកជំនួយ ស្ថានទូតអូស្រ្តាលីប្រចាំកម្ពុជា។
ជំនួបនេះធ្វើឡើងមុនពេលដែលឯ.ឧ. ទេសរដ្ឋមន្រ្តីប្រធានអាជ្ញាធរជាតិប្រយុទ្ធនឹងជំងឺអេដស៍ដឹកនាំ គណៈប្រតិភូកម្ពុជា ទៅចូលរួមក្នុងសន្និសីទអន្តរជាតិស្តីពីជំងឺអេសដ៍ លើកទី២០ នៅម៉ែលប៊ន ប្រទេសអូស្រ្តាលី ពីថ្ងៃទី២០ ដល់ ២៥ ខែកក្កដា ឆ្នាំ២០១៤ ខាងមុខនេះ ។
ប្រធានបទនៃកិច្ចពិភាក្សាមានដូចខាងក្រោម ៖
- ការពង្រឹងសហប្រតិបត្តិការទ្វេភាគីក្នុងការប្រយុទ្ធនឹងមេរោគអេដស៍/ជំងឺអេដស៍
- ការផ្តល់ជំនួយដល់ប្រជាជនដែលទទួលរងគ្រោះដោយជំងឺអេដស៍
- សហប្រតិបត្តិការនៅក្នុងទំនាក់ទំនងអន្តរជាតិ ដូចជាការគាំទ្របេក្ខភាពកម្ពុជាក្នុងការធ្វើជាម្ចាស់ផ្ទះរៀបចំ សមាជអន្តរជាតិស្តីពីជំងឺអេដស៍នៅអាស៊ី និង ប៉ាស៊ីហ្វិកលើកទី១៣ (ICAAP13) ក្នុងឆ្នាំ២០១៧ ខាងមុខ ។
កិច្ចប្រជុំបានបញ្ចប់ទៅក្រោមបរិយាកាសរីករាយ និង ស្និទ្ធស្នាល ។
info@naaa.gov.kh
+855 (0)23 885 129
+855 (0)23 885 279
ភាសាខ្មែរ
English
