National AIDS Authority

ព្រះរាជាណាចក្រកម្ពុជា
Kingdom of Cambodia

ជាតិ សាសនា ព្រះមហាក្សត្រ
Nation Religion King

សន្និសីទសារព័ត៌មាន ព្រះរាជាណាចក្រកម្ពុជា សម្រេចគោលដៅសកលមេរោគអេដស៍ ៩៥-៩៥-៩៥

សម្តេចបវរធិបតី ហ៊ុន ម៉ាណែត អនុញ្ញាតចូលជួបសម្តែងការគួរសម និងពិភាក្សាការងារ

កិច្ចប្រជុំលើកទី៥៦នៃក្រុមប្រឹក្សាសម្របសម្រួលកម្មវិធីយូអិនអេដស៍(UNAIDS)

កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី២ ឆ្នាំ២០២៥

ថ្វាយកម្រងផ្កាគោរពព្រះវិញ្ញានក្ខន្ធព្រះករុណាព្រះបរមរតនកោដ្ឋឆ្នាំ២០២៥

ទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២៥

សន្និបាតអាជ្ញាធរជាតិប្រយុទ្ធនឹងជំងឺអេដស៍ឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំ យូអិនអេដស៍ (UNAIDS PCB) លើកទី៥៦

Contact us now:

info@naaa.gov.kh

+855 (0)23 885 129

+855 (0)23 885 279

ភាសាខ្មែរ

English

ចំនួនអ្នកទស្សនាគេហទំព័រ:

ឯ.ឧ. ទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ អញ្ជើញជាអធិបតីក្នុងវេទិកាសាធារណៈនៅស្រុកបរសេដ្ឋ ខេត្តកំពង់ស្ពឺ

នាព្រឹកថ្ងៃទី៩ ខែកក្កដា ឆ្នាំ២០១៤ ឯ.ឧ. ទេសរដ្ឋមន្រ្តី អៀង មូលី ប្រធាន អាជ្ញាធរជាតិប្រយុទ្ធនឹងជំងឺអេដស៍ និង ជាអនុប្រធានក្រុមការងារថ្នាក់ជាតិចុះជួយខេត្ត កំពង់ស្ពឺ បានអញ្ជើញជាអធិបតីក្នុងវេទិកាសាធារណៈនៅស្រុកបរសេដ្ឋ ខេត្តកំពង់ស្ពឺ ដោយមានការចូលរួមពីថ្នាក់ដឹកនាំអាជ្ញាធរជាតិប្រយុទ្ធនឹងជំងឺអេដស៍ អាជ្ញាធរមូលដ្ឋាន មន្ទីរពាក់ព័ន្ធក្នុងខេត្ត និង ប្រជាពលរដ្ឋប្រមាណជិត ៣០០នាក់ ។

បន្ទាប់ពីសម្តែងនូវការស្វាគមន៍ និង ថ្លែងអំណរគុណចំពោះអាជ្ញាធរមូលដ្ឋានគ្រប់ លំដាប់ថ្នាក់ កងកម្លាំងប្រដាប់អាវុធ និង ប្រជាពលរដ្ឋរួចមក ឯ.ឧ.ទេសរដ្ឋមន្រ្តីបានគូស បញ្ជាក់ពីសារៈសំខាន់នៃវេទិកាសាធារណៈដែលកំពុងធ្វើនាពេលនេះ ដែលជានយោបាយ ថ្នាក់ជាតិរបស់រាជរដ្ឋាភិបាលសម្រាប់នីតិកាលទី៥នៃរដ្ឋសភា ក្នុងការចូលរួមដោះស្រាយ បញ្ហានានារបស់ប្រជាជនដល់មូលដ្ឋាន ។ បន្ទាប់មកឯ.ឧ. ទេសរដ្ឋមន្រ្តីបានជូនវេទិកាទៅ ប្រជាពលរដ្ឋក្នុងការលើកឡើងពីបញ្ហានានាដែលជួបប្រទះ និង សំណូមពរនានាបើមាន ។

ប្រជាពលរដ្ឋមូលដ្ឋានបានលើកឡើងនូវចំណុចមួយចំនួនដែលពាក់ព័ន្ធនឹង ហេដ្ឋា រចនាសម្ព័ន្ធ និង របរកសិកម្មរបស់ពួកគាត់ដូចជា ៖ ការជួសជុលផ្លូវ ស្តារប្រឡាយ កង្វះខាតអនាម័យនៃកសិដ្ឋានចិញ្ចឹមសត្វដែលនាំឱ្យខូចដល់បរិស្ថាននៅជុំវិញ ការជួស ជុលអគារសិក្សាដែលចាស់ទ្រុឌទ្រោម ការខ្វះខាតទឹកធ្វើស្រែ ការជីកស្រះទឹក និង ពូជ ស្រូវសុទ្ធ ។ល។

ឆ្លើយតបនឹងបញ្ហានានា សំណួរ និង សំណូមពរខាងលើរបស់ប្រជាជន ឯ.ឧ.ទេស រដ្ឋមន្រ្តីបានអនុញ្ញាតឱ្យមន្រ្តីជំនាញដែលជា ប្រធានមន្ទីរធនធានទឹក និង ឧតុនិយម ប្រធានមន្ទីរកសិកម្ម រុក្ខាប្រមាញ់ និង នេសាទ ខេត្តកំពង់ស្ពឺ និង មេឃុំឡើងធ្វើការពន្យល់ បញ្ជាក់ ។ ចំពោះសំណូមពរនានា ឯ. ឧ. ទេស រដ្ឋមន្រ្តី បានជម្រាបឱ្យអភិបាលស្រុក និង អាជ្ញាធរពាក់ព័ន្ធនៅក្នុងមូលដ្ឋានធ្វើជារបាយការណ៍ និង លើកជាសំណើដើម្បីពិនិត្យលទ្ធ ភាពដោះស្រាយនាពេលខាងមុខ។ ការពន្យល់និងដំណោះស្រាយខាងលើនេះបានទទួល នូវការសាទរ និង ពេញចិត្តពីសំណាក់ប្រជាជនដែលបានអញ្ជើញចូលរួមក្នុងវេទិកា ។

នៅទីបញ្ចប់ឯ.ឧ.ទេសរដ្ឋមន្រ្តីបានបញ្ជាក់ជូនប្រជាជនថា រាជរដ្ឋាភិបាលបច្ចុប្បន្នជា រាជរដ្ឋាភិបាលស្របច្បាប់ដែលកើតចេញពីការបោះឆ្នោតដោយសេរី និង យុត្តិធម៌ និង កំពុងដំណើរការជាធម្មតាគ្មានការជាប់គាំងទេ ។ បញ្ហានានាដែលបានលើកឡើងដោយ គណបក្សប្រឆាំងគឺជាដាក់លក្ខខណ្ឌដែលមិនអាចរកដំណោះស្រាយបាន ។ ឯការសន្យា ផ្សេងៗដូចជាការដំឡើងប្រាក់ខែគោលនិងការផ្តល់ប្រាក់ឧបត្ថម្ភដល់ជនចាស់ជរាគ្រាន់តែ ជាការសន្យាតែមាត់មិនអាចអនុវត្តបាន។ជាក់ស្តែងនៅពេលដែលមានបញ្ហាធំៗដូចជាការ ចាប់បញ្ជូនកម្មករដោយគំហុកពីប្រទេសថៃថ្មីៗនេះ មានតែរាជរដ្ឋាភិបាលក្រោមការដឹកនាំ របស់សម្តេចតេជោ ហ៊ុន សែន ទេដែលចេញមុខដោះស្រាយ ។ បក្សប្រឆាំងអសមត្ថភាព ប្រជាជនបោះឆ្នោតឱ្យហើយមិនបានយកអំណាចនោះទៅប្រើ រួមទាំងការមិនធ្លាប់កាន់ អំណាចដឹកនាំផងនោះ ពួកគេនឹងមិនអាចដឹកនាំប្រទេសដោយជោគជ័យបានទេ ។

ឯ.ឧ. ទេសរដ្ឋមន្រ្តីក្នុងឋានៈជាប្រធានអាជ្ញាធរជាតិប្រយុទ្ធនឹងជំងឺអេដស៍បានផ្តាំផ្ញើ ឱ្យប្រជាជនទាំងអស់យកចិត្តទុកដាក់ក្នុងការការពារខ្លួនពីជំងឺអេដស៍ និង បាននាំយកនូវ អំណោយមួយចំនួនចែកជូនប្រជាជន ហើយបានសន្យាថានឹងខិតខំដោះស្រាយនូវបញ្ហា និងសំណូមពរនានាដែលប្រជាជននៅមូលដ្ឋានស្រុកបរសេដ្ឋបានលើកឡើងខាងលើ ។

អង្គវេទិកាបានបញ្ចប់ទៅដោយបរិយាកាសស្និទ្ធស្នាល និង រីករាយ ។