ឯ.ឧ. ទេសរដ្ឋមន្រ្តី អៀង មូលី អញ្ជើញជាអធិបតីក្នុងកិច្ចប្រជុំចំពោះកិច្ចគណៈកម្មាធិការប្រតិបត្តិ នៃក្រុមប្រឹក្សាពិគ្រោះយោបល់ប្រចាំប្រទេសកម្ពុជា ជាមួយកម្មវិធីថ្នាក់ជាតិ
នាព្រឹកថ្ងៃទី២៧ មិថុនា ២០១៤ នៅទីស្នាក់ការកណ្តាលអាជ្ញាធរជាតិប្រយុទ្ធនឹងជំងឺអេដស៍ ឯ.ឧ. ទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ និងជាប្រធានក្រុមប្រឹក្សា ពិគ្រោះយោបល់ប្រចាំប្រទេសកម្ពុជា (CCC) បានអញ្ជើញជាអធិបតីនៅក្នុងកិច្ចប្រជុំចំពោះកិច្ច គណៈកម្មាធិការប្រតិបត្តិក្រុមប្រឹក្សាពិគ្រោះយោបល់ប្រចាំប្រទេសកម្ពុជា ជាមួយកម្មវិធីថ្នាក់ជាតិ ។
សមាសភាពដែលចូលរួមក្នុងកិច្ចប្រជុំនេះរួមមាន ៖ ១) លោកវេជ្ជបណ្ឌិត Dong-Il Ahn អ្នកតំណាងអង្គការសុខភាពពិភពលោកប្រចាំកម្ពុជា និង ជាសហអនុប្រធានCCC ២) លោកស្រី Marie-Odile Emond អ្នកតំណាង UNAIDS ប្រចាំកម្ពុជា ៣) ឯ.ឧ. វេជ្ជ. ទា ផលា អនុប្រធានអាជ្ញាធរជាតិប្រយុទ្ធនឹងជំងឺអេដស៍ ៤) លោកស្រី Carrie Witlock ពី USAID ៥) ឯ.ឧ. វេជ្ជ. ម៉ៅ តាន់អៀង នាយកមជ្ឈមណ្ឌលជាតិកម្ចាត់រោគរបេង និង ហង់សិន (CENAT) និង សហការី ៦) លោកវេជ្ជ. ជា សុវណ្ណ អ្នកតំណាងក្រសួងសុខាភិបាល ៧) លោកវេជ្ជ. លី ពេញស៊ុននាយករង មជ្ឈមណ្ឌលប្រយុទ្ធនឹងជំងឺអេដស៍ សើស្បែក និង កាមរោគ (NCHADS) និង សហការី ៨) លោកស្រី ខាន់ គន្ធាកល្យាណ អ្នកតំណាងមជ្ឈមណ្ឌលជាតិប្រយុទ្ធនឹងជំងឺគ្រុនចាញ់ និង សហការី និង ៩) លោក វេជ្ជ. ជីវ ប៊ុនធី លេខាធិការ CCC ។
របៀបវារៈនៃកិច្ចប្រជុំនេះរួមមាន ៖
- បំបែកការចំណាយលើជំងឺរបេងដែលបានរាយការណ៍ (ការចំណាយដែលបានរាយការណ៍ឆ្នាំ២០១២, ២០១៣និងថវិកាដែលបានឯកភាពសម្រាប់ឆ្នាំ២០១៤)
- ការផ្តល់ធនធានឱ្យHIVរបេងនិងគ្រុនចាញ់ ដោយមុខចំណាយធំៗ (២០១៥, ២០១៦ និង ២០១៧)
- អន្តរាគមន៍/សកម្មភាពនានាដែលកំពុងទទួលបានហិរញ្ញវត្ថុពីការវិនិយោគរបស់រដ្ឋាភិបាលនិងការវិនិយោគបន្ថែមនៅដំណាក់កាលបន្ទាប់៖
- ការបង្កើនកម្មវិធីសកម្មភាពនិង/ឬ
- ការស្រូបទាញការគាំទ្រពីម្ចាស់ជំនួយដែលមានស្រាប់ (រួមបញ្ចូលទាំងមូលនិធិសាកល) ប្រសិនបើបានរៀបចំផែនការ
- ផែនការវិនិយោគលើការពង្រឹងប្រព័ន្ធសុខាភិបាលគាំទ្រដោយមូលនិធិសកល
- អនុសាសន៍ នៃក្រុមការងារស្នូលថវិកាHIV
- តម្រូវការពីភាពមានសិទ្ធិរបស់យន្តការសម្របសម្រួលប្រចាំប្រទេស ១ និង ២
- ផ្សេងៗ៖
- ជ្រើសរើសក្រុមហ៊ុនរចនា និង រៀបចំគេហទំព័រ CCC
- អ្នកចូលរួមក្នុងកម្មវិធីគាំទ្រជំងឺគ្រុនចាញ់ វគ្គសិក្សា WPRO
info@naaa.gov.kh
+855 (0)23 885 129
+855 (0)23 885 279
ភាសាខ្មែរ
English
