National AIDS Authority

ព្រះរាជាណាចក្រកម្ពុជា
Kingdom of Cambodia

ជាតិ សាសនា ព្រះមហាក្សត្រ
Nation Religion King

សន្និសីទសារព័ត៌មាន ព្រះរាជាណាចក្រកម្ពុជា សម្រេចគោលដៅសកលមេរោគអេដស៍ ៩៥-៩៥-៩៥

សម្តេចបវរធិបតី ហ៊ុន ម៉ាណែត អនុញ្ញាតចូលជួបសម្តែងការគួរសម និងពិភាក្សាការងារ

កិច្ចប្រជុំលើកទី៥៦នៃក្រុមប្រឹក្សាសម្របសម្រួលកម្មវិធីយូអិនអេដស៍(UNAIDS)

កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី២ ឆ្នាំ២០២៥

ថ្វាយកម្រងផ្កាគោរពព្រះវិញ្ញានក្ខន្ធព្រះករុណាព្រះបរមរតនកោដ្ឋឆ្នាំ២០២៥

ទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២៥

សន្និបាតអាជ្ញាធរជាតិប្រយុទ្ធនឹងជំងឺអេដស៍ឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំ យូអិនអេដស៍ (UNAIDS PCB) លើកទី៥៦

Contact us now:

info@naaa.gov.kh

+855 (0)23 885 129

+855 (0)23 885 279

ភាសាខ្មែរ

English

ចំនួនអ្នកទស្សនាគេហទំព័រ:

ឯ.ឧ. ទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ អញ្ជើញជាអធិបតីតំណាងរាជរដ្ឋាភិបាលកម្ពុជា ក្នុងពិធីអបអរសាទរបុណ្យជាតិកាណាដា

នាយប់ថ្ងៃទី២៧ ខែមិថុនា ឆ្នាំ២០១៤ ឯ.ឧ. ទេសរដ្ឋមន្រ្តី អៀង មូលី ប្រធាន អាជ្ញាធរជាតិប្រយុទ្ធនឹងជំងឺអេដស៍ បានអញ្ជើញជាអធិបតីតំណាងរាជរដ្ឋាភិបាលកម្ពុជា ក្នុងពិធីអបអរសាទរពិធីបុណ្យជាតិកាណាដា នៅសណ្ឋាគារ រ៉ាហ្វល ឡឺ រ៉ូយ៉ាល់ រាជធានីភ្នំពេញ ដោយមានការចូលរួមពីមន្រ្តីធំៗនៅក្នុងជួររាជរដ្ឋាភិបាល តំណាង អង្គទូតបរទេសនានាប្រចាំកម្ពុជា ពលរដ្ឋកាណាដានៅកម្ពុជា និងអ្នកដែលជាមិត្តរបស់ កាណាដា ។

បន្ទាប់ពីសម្តែងនូវការស្វាគមន៍ និង ថ្លែងអំណរគុណចំពោះអ្នកចូលរួម ឯ.ឧ. ហ្វីលីព ខាលវឺត (Philip Calvert) ឯកអគ្គរាជទូតកាណាដាប្រចាំកម្ពុជា ដែលមាននិវេសន ដ្ឋាននៅបាងកក បានថ្លែងសុន្ទរកថាដោយសង្កត់ធ្ងន់អំពីមិត្តភាពរវាងកាណាដា និង កម្ពុជា ជាពិសេស តួនាទីរបស់កាណាដាជាសមាជិកគណៈកម្មាធិការត្រួតពិនិត្យ និង ឃ្លាំមើល អន្តរជាតិ ឆ្នាំ១៩៥៣ និង នៅក្នុងកិច្ចព្រមព្រៀងសន្តិភាពទីក្រុងប៉ារីស ឆ្នាំ១៩៩១ ដែលបាន បញ្ចប់ជម្លោះនៅកម្ពុជា ។ ឯ.ឧ. ឯកអគ្គរាជទូតកាណាដាបានបញ្ជាក់ថា ទំនាក់ទំនងរវាង ប្រទេសទាំងពីរគឺ ជាមិត្តភាពដែលមានទៅវិញទៅមក និង ផ្តល់ផលប្រយោជន៍ទៅវិញ ទៅមក។ ក្នុងនោះ កាណាដាបានក្លាយជាគោលដៅនាំចេញធំបំផុតទី៣របស់កម្ពុជា ។ នៅ ឆ្នាំ២០១៣ កាណាដានាំចូលទំនិញពីកម្ពុជាប្រមាណ ៧០០លានដុល្លារ គឺកើនឡើងជាង ៣០០០% ពីឆ្នាំ២០០២ ដែលមានត្រឹមតែ ២១លានដុល្លារ ។ នៅទីបញ្ចប់ឯ.ឧ. ឯកអគ្គ រាជទូតបានស្នើឱ្យអ្នកចូលរួមទាំងអស់លើកកែវដើម្បីអបអរពិធីដ៏មហោឡារិកនេះ ។

បន្ទាប់មក ឯ.ឧ. ទេសរដ្ឋមន្រ្តីបានអញ្ជើញអ្នកចូលរួមទាំងអស់លើកកែវអបអរ សាទរពិធីបុណ្យជាតិកាណាដា តំណាងរាជរដ្ឋាភិបាលកម្ពុជា ។

ឯ.ឧ. ទេសរដ្ឋមន្រ្តីបានថ្វាយព្រះពរ មហាក្សត្រី អេលីហ្សាបេត ទី២ (Queen Elizabeth II) របស់កាណាដា ឯ.ឧ. ដាវីដ ចនស្តុន (David Johnston) អគ្គទេសាភិបាលកាណាដា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រកម្ពុជា ព្រះមហាក្សត្រី នរោត្តម មុនិនាថ សីហនុ សូមមាន សុខភាពល្អ និង សូមឱ្យប្រជាជនកាណាដាមាននូវ សុភមង្គល និង វិបុលភាព ។

នៅទីបញ្ចប់ឯ.ឧ.ទេសរដ្ឋមន្រ្តីបានលើកសរសើរពីមិត្តភាព និង ទំនាក់ទំនងល្អរវាង ព្រះរាជាណាចក្រកម្ពុជា និង កាណាដា ។