ឯ.ឧ. ទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ អញ្ជើញជាអធិបតីតំណាងរាជរដ្ឋាភិបាលកម្ពុជា ក្នុងពិធីអបអរសាទរខួបទី៦៦ នៃបុណ្យឯករាជ្យជាតិអ៊ីស្រាអែល
នាយប់ថ្ងៃទី២៨ ខែឧសភា ឆ្នាំ២០១៤ ឯ.ឧ. ទេសរដ្ឋមន្រ្តី អៀង មូលី ប្រធាន អាជ្ញាធរជាតិប្រយុទ្ធនឹងជំងឺអេដស៍ បានអញ្ជើញជាអធិបតីតំណាងរាជរដ្ឋាភិបាលកម្ពុជា ក្នុងពិធីអបអរសាទរខួបទី៦៦ នៃពិធីបុណ្យឯករាជ្យអ៊ីស្រាអែល នៅសណ្ឋាគារ រ៉ាហ្វល ឡឺ រ៉ូយ៉ាល់ រាជធានីភ្នំពេញ ដោយមានការចូលរួមពីមន្រ្តីធំៗនៅក្នុងជួររាជរដ្ឋាភិបាល តំណាង អង្គទូតបរទេសនានាប្រចាំកម្ពុជា ពលរដ្ឋអ៊ីស្រាអ៊ែលនៅកម្ពុជា និងអ្នកដែលជាមិត្តភក្តិ របស់អ៊ីស្រាអែល ។
បន្ទាប់ពីសម្តែងនូវការស្វាគមន៍ និង ថ្លែងអំណរគុណចំពោះអ្នកចូលរួម ឯ.ឧ. សាយម៉ុន រ៉ូឌីត ឯកអគ្គរដ្ឋទូតអ៊ីស្រាអែល បានថ្លែងសុន្ទរកថាអំពីការកសាងប្រជាជាតិ អ៊ីស្រាអែល ចាប់ពីក្រោយសង្រ្គាមលោកលើកទី២ និង បានស្នើឱ្យអ្នកចូលរួមទាំងអស់ លើកកែវស្រាដើម្បីអបអរពិធីដ៏មហោឡារិកនេះ ។
បន្ទាប់មក ឯ.ឧ. ទេសរដ្ឋមន្រ្តីបានអញ្ជើញអ្នកចូលរួមទាំងអស់លើកកែវស្រាអបអរ សាទរខួប៦៦ឆ្នាំ នៃពិធីបុណ្យឯករាជ្យរដ្ឋអ៊ីស្រាអែល តំណាងរាជរដ្ឋាភិបាលកម្ពុជា ។ ឯ.ឧ. ទេសរដ្ឋមន្រ្តីបានជូនពរ ឯ.ឧ. សាយម៉ុន ប៉េរេស ប្រធានាធិបតីអ៊ីស្រាអែល ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រកម្ពុជា ព្រះមហាក្សត្រី នរោត្តម មុនិនាថ សីហនុ សូមមានសុខភាពល្អ និង សូមឱ្យប្រជាជនអ៊ីស្រាអែលមាននូវ សុភមង្គល និង វិបុលភាព ។
នៅទីបញ្ចប់ឯ.ឧ.ទេសរដ្ឋមន្រ្តីបានលើកសរសើរពីមិត្តភាព និង ទំនាក់ទំនងល្អរវាង ព្រះរាជាណាចក្រកម្ពុជា និង រដ្ឋអ៊ីស្រាអែល ។
រូបភាពនៃពិធីអបអរសាទរខួបទី៦៦ នៃបុណ្យឯករាជ្យជាតិអ៊ីស្រាអែល៖
 |
 |
 |
 |
 |
 |
 |
 |
info@naaa.gov.kh
+855 (0)23 885 129
+855 (0)23 885 279
ភាសាខ្មែរ
English
