ព្រះរាជាណាចក្រកម្ពុជា
Kingdom of Cambodia

ជាតិ​ សាសនា ព្រះមហាក្សត្រ
Nation Religion King

Contact us now:
info@naaa.gov.kh
+855 (0)23 885 129
+855 (0)23 885 279

ភាសាខ្មែរ   English

កិច្ចប្រជុំត្រួតពិនិត្យវឌ្ឍនភាពការងារសម្រេចបាន និងទិសដៅអនុវត្តបន្តរបស់គណៈកម្មាធិការប្រយុទ្ធនឹងជំងឺអេដស៍ខេត្តស្ទឹងត្រែង

នៅព្រឹកថ្ងៃព្រហស្បតិ៍ ១៥រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៣ ខែសីហា ឆ្នាំ២០២៦ ឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរជាតិ​ប្រយុទ្ធ​នឹងជំងឺអេដស៍​ បានអញ្ជើញជាអធិបតីដ៏ខ្ពង់ខ្ពស់ក្នុងកិច្ចប្រជុំត្រួតពិនិត្យវឌ្ឍនភាពការងារសម្រេចបាន និងទិសដៅអនុវត្តបន្តរបស់គណៈកម្មាធិការប្រយុទ្ធនឹងជំងឺអេដស៍ខេត្តស្ទឹងត្រែង​ នៅសាលាខេត្តស្ទឹងត្រែ ដោយមានការអញ្ជើញចូលរួមពី     ឯកឧត្តម សរ សុពុត្រា អភិបាល នៃគណៈអភិបាលខេត្ត និងជាប្រធានគណៈកម្មាធិការប្រយុទ្ធនឹងជំងឺអេដស៍ខេត្តស្ទឹងត្រែង អភិបាលរង នៃគណៈអភិបាលខេត្ត ប្រធាន អនុប្រធាន និងសមាជិកគណៈកម្មាធិការប្រយុទ្ធជំងឺអេដស៍ខេត្ត ក្រុង ស្រុក ឃុំ សង្កាត់ ព្រមទាំង លោក លោកស្រី តំណាងអង្គការសង្គមស៊ីវិលជាតិ អន្តរជាតិនានាក្នុងខេត្ត ព្រមទាំងប្រតិភូអមដំណើរឯកឧត្តមទេសរដ្ឋមន្រ្តី ប្រធានអាជ្ញាធរជាតិ​ប្រយុទ្ធ​នឹងជំងឺអេដស៍ មានចំនួន២៤១រូប។

កិច្ចប្រជុំប្រព្រឹត្តទៅតាមរបៀបវារះដូចខាងក្រម ៖
· ប្រកាសហេតុ និងប្រកាសគណៈអធិបតី
· គោរពទង់ជាតិ និងគោរពវិញ្ញាណក្ខន្ធវីរកងទ័ព វីរនគរបាល
· របាយការណ៍វឌ្ឍនភាពការងារ និងទិសដៅអនុវត្តបន្តរបស់គណៈកម្មាធិការប្រយុទ្ធនឹងជំងឺ  អេដស៍ខេត្តស្ទឹងត្រែង ដោយលោកវេជ្ជបណ្ឌិត អ៊ុង សូវៀត
· មតិស្វាគមន៍ និងបំពេញបន្ថែម របស់ឯកឧត្តម សរ សុពុត្រា អភិបាល នៃគណៈអភិបាលខេត្ត និងជាប្រធានគណៈកម្មាធិការប្រយុទ្ធនឹងជំងឺអេដស៍ខេត្តស្ទឹងត្រែង
· មតិសំណេះសំណាល និងអនុសាសន៍ដឹកនាំរបស់ ឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរជាតិ​ប្រយុទ្ធ​នឹងជំងឺអេដស៍
អនុសាសន៍
·  រាជរដ្ឋាភិបាលវិភាជន៍ថវិកាសម្រាប់ខេត្តស្ទឹងត្រែង ចំនួន៤០លានរៀលក្នុងមួយឆ្នាំ ដើម្បីរៀបចំបង្កើត និងដំណើរការគណៈកម្មាធិការប្រយុទ្ធនឹងជំងឺអេដស៍ខេត្ត និងពិនិត្យលទ្ធភាពបង្កើនថវិកាសម្រាប់កម្មវិធីអេដស៍។
. គ្របដណ្ដប់ក្រុមគោលដៅងាយរងគ្រោះដូចជា ក្រុមយុវវ័យ បុរសរួមភេទជាមួយបុរស ក្រុមបំប្លែងភេទ ក្រុមប្រើប្រាស់ និងចាក់គ្រឿងញៀន។
·  បញ្ជ្រាបការងារអេដស៍ក្នុងផែនការអភិវឌ្ឍន៍ឃុំ សង្កាត់។
 . កម្ពុជាសម្រេចបានគោលដៅ ៩៥-៩៥-៩៥ នៅឆ្នាំ២០២៥​ មុនកាលកំណត់សម្រាប់ឆ្នាំ២០៣០ ក្នុងក្របខ័ណ្ឌការបញ្ចប់អេដស៍
. គណៈកម្មាធិការប្រយុទ្ធនឹងជំងឺអេដស៍ ត្រូវអនុវត្តតាមគោលនយោបាយជាតិបញ្ចប់ជំងឺអេដស៍នៅឆ្នាំ២០២៥ និងចីរភាពកម្មវិធីឆ្លើយតបជំងឺអេដស៍ ឆ្នាំ២០២៣-២០២៨ ។
. ត្រូវផ្សព្វ្សាយពីវិធីបង្ការការពារ ដោយជំរុញការប្រើប្រាស់ស្រោមអនាម័យឱ្យបាន១០០% PrEP PEP និងធ្វើតេស្តដោយខ្លួនឯង។
. កុំឲ្យមានការរើសអើង និងមាក់ងាយ 
. ឆ្លើយតបទៅនឹងសេចក្តីត្រូវការ និងពង្រឹងប្រព័ន្ធតាមដាន វាយតម្លៃជាតិឱ្យបានទូលំទូលាយគ្រប់ជ្រុងជ្រោយ។

Building 16, Street 271 L 150, Sangkat Teuklaak II Khan Toul Kok Phnom Penh, Cambodia
Email : info@naaa.gov.kh | Tel: 023 88 51 29 Fax: 023 88 52 79