ព្រះរាជាណាចក្រកម្ពុជា
Kingdom of Cambodia

ជាតិ​ សាសនា ព្រះមហាក្សត្រ
Nation Religion King

Contact us now:
info@naaa.gov.kh
+855 (0)23 885 129
+855 (0)23 885 279

ភាសាខ្មែរ   English

ឯកឧត្តមទេសរដ្ឋមន្រ្តី អៀង មូលី អញ្ជើញដឹកនាំកិច្ចប្រជុំប្រចាំខែកក្កដា និងលើកទិសដៅបន្ត ឆ្នាំ២០២៦ និងប្រកាសស្តីពីការតែងតាំងប្រគល់ភារកិច្ចមន្រ្តីរាជការ

នាព្រឹកថ្ងៃសុក្រ ៣កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៧ ខែកក្កដា ឆ្នាំ២០២៦ ឯកឧត្តមទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍អញ្ជើញដឹកនាំកិច្ចប្រជុំប្រចាំខែកក្កដា និងលើកទិសដៅបន្ត ឆ្នាំ២០២៦ និងប្រកាសស្តីពីការតែងតាំងប្រគល់ភារកិច្ចមន្រ្តីរាជការចំនួន១៧រូប។ កិច្ចប្រជុំនេះមានការអញ្ជើញចូលរួមពីថ្នាក់ដឹកនាំ ទីប្រឹក្សា អគ្គលេខាធិការ អគ្គលេខាធិការរង ប្រធាននាយកដ្ឋាន អនុប្រធាននាយកដ្ឋាន ប្រធានការិយាល័យ និងអនុប្រធានការិយាល័យ។
កិច្ចប្រជុំប្រព្រឹត្តទៅតាមរបៀបវារៈដូចខាងក្រោម៖
-មតិស្វាគមន៍ និងដឹកនាំកិច្ចប្រជុំដោយ ឯកឧត្តមទេសរដ្ឋមន្រ្តី ប្រធានអាជ្ញាធរជាតិប្រយុទ្ធនឹងជំងឺអេដស៍
-របាយការណ៍ស្តីពីលទ្ធផលការងារខែកក្កដា ទិសដៅបន្ត ឆ្នាំ២០២៦ ដោយឯកឧត្តមបណ្ឌិតអគ្គលេខាធិការ
-មតិសំណេះសំណាល និងអនុសាសន៍ណែនាំ ដោយឯកឧត្តមទេសរដ្ឋមន្រ្តីប្រធានអាជ្ញាធរ
-អានប្រកាសស្តីពីការតែងតាំង និងប្រគល់ភារកិច្ចមន្រ្តីរាជការចំនួន១៧នាក់ ដោយលោកប្រធាន នាយកដ្ឋានរដ្ឋបាលនិងហិរញ្ញវត្ថុ
-ពិធីប្រគល់ប្រកាសជូនមន្រ្តីរាជការដែលទទួលបានការតែងតាំងទាំង១៧រូប និងថតរូបអនុស្សាវរីយ៍។ 

Building 16, Street 271 L 150, Sangkat Teuklaak II Khan Toul Kok Phnom Penh, Cambodia
Email : info@naaa.gov.kh | Tel: 023 88 51 29 Fax: 023 88 52 79