National AIDS Authority

ព្រះរាជាណាចក្រកម្ពុជា
Kingdom of Cambodia

ជាតិ សាសនា ព្រះមហាក្សត្រ
Nation Religion King

សន្និសីទសារព័ត៌មាន ព្រះរាជាណាចក្រកម្ពុជា សម្រេចគោលដៅសកលមេរោគអេដស៍ ៩៥-៩៥-៩៥

សម្តេចបវរធិបតី ហ៊ុន ម៉ាណែត អនុញ្ញាតចូលជួបសម្តែងការគួរសម និងពិភាក្សាការងារ

កិច្ចប្រជុំលើកទី៥៦នៃក្រុមប្រឹក្សាសម្របសម្រួលកម្មវិធីយូអិនអេដស៍(UNAIDS)

កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី១ ឆ្នាំ២០២៦

ថ្វាយកម្រងផ្កាគោរពព្រះវិញ្ញានក្ខន្ធព្រះករុណាព្រះបរមរតនកោដ្ឋឆ្នាំ២០២៥

ទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២៥

កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី១ ឆ្នាំ២០២៦

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំ យូអិនអេដស៍ (UNAIDS PCB) លើកទី៥៦

Contact us now:

info@naaa.gov.kh

+855 (0)23 885 129

+855 (0)23 885 279

ភាសាខ្មែរ

English

ចំនួនអ្នកទស្សនាគេហទំព័រ:

ឯកឧត្តមទេសរដ្ឋមន្ត្រី អៀង មូលី អញ្ជើញជាអធិបតីបើកសិក្ខាសាលាជាតិស្តីពីការផ្តល់សុពលភាពលើផែនការយុទ្ធសាស្ត្រជាតិទូលំទូលាយ និងពហុវិស័យ ឆ្លើយតបនឹងមេរោគអេដស៍ និងជំងឺអេដស៍ លើកទី៦ (២០២៤-២០២៨)

នៅព្រឹកថ្ងៃព្រហស្បតិ៍ ១១កើត ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៣ ខែវិច្ឆិកា ឆ្នាំ២០២៣ ចាប់ពីម៉ោង៩៖០០ នៅសណ្ឋាគារកាំបូឌីយ៉ាណា ឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ បានអញ្ជើញជាអធិបតីភាពដ៏ខ្ពង់ខ្ពស់ បើកសិក្ខាសាលាជាតិស្តីពីការផ្តល់ សុពលភាពលើផែនការយុទ្ធសាស្ត្រជាតិទូលំទូលាយ និងពហុវិស័យឆ្លើយតបនឹងមេរោគអេដស៍ និងជំងឺ អេដស៍ លើកទី៦ (២០២៤-២០២៨)។ សិក្ខាសាលានេះមានការចូលរួមពី ឯកឧត្តម លោកជំទាវ លោក អ្នកស្រី និងនាងកញ្ញាជា តំណាងក្រសួងសេដ្ឋកិច្ច និងហិរញ្ញវត្ថុ ក្រសួងមហាផ្ទៃ ក្រសួងសុខាភិបាល UNAIDS USAID អង្គការសង្គមស៊ីវិល ប្រជាជនគន្លឹះ យុវវ័យ និងអ្នករស់នៅជាមួយមេរោគអេដស៍។

ថ្លែងទៅកាន់អង្គសិក្ខាសាលា ឯកឧត្តមទេសរដ្ឋមន្រ្តីបានថ្លែងអំណរគុណ អង្គការUNAIDS និងទីភ្នាក់ងារសហរដ្ឋអាម៉េរិកសម្រាប់ការអភិវឌ្ឍអន្តរជាតិ(USAID) ចំពោះការគាំទ្រប្រទេសកម្ពុជា ក្នុងការគ្រប់គ្រងការរីករាលដាលនៃមេរោគអេដស៍ និងការពង្រឹងសមត្ថភាពមូលដ្ឋាន ដើម្បីជំរុញការឆ្លើយតបនឹងមេរោគ អេដស៍ និងជំងឺអេដស៍ ឱ្យមានប្រសិទ្ធភាព ប្រសិទ្ធផល និងចីរភាព។ ជាមួយគ្នានេះ ឯកឧត្តមទេសរដ្ឋមន្រ្តីក៏បានថ្លែងអំណរគុណភាគីពាក់ព័ន្ធទាំងអស់ ជាពិសេសប្រជាជនគន្លឹះ និងអ្នកផ្ទុកមេរោគអេដស៍ ដែលបានចូលរួមយ៉ាងសកម្មក្នុងការឆ្លើយតបនឹងមេរោគអេដស៍ និងជំងឺអេដស៍ ក្នុងរយៈពេលបីទសវត្សកន្លងមកផងដែរ។

ឯកឧត្តមទេសរដ្ឋមន្រ្តីបានរំឭកថា នៅចន្លោះឆ្នាំ២០១១ដល់២០១៧ កម្ពុជាបានទទួលពានរង្វាន់អង្គការសហប្រជាជាតិចំនួន២ ហើយត្រូវបានទទួលស្គាល់ថាជាប្រទេសមួយក្នុងចំណោមប្រទេសកំពូលទាំង១០ នៅលើពិភពលោក ដែលសម្រេចបាននូវគោលដៅជាសកលក្នុងការឆ្លើយតបនឹងមេរោគអេដស៍ និងជំងឺ អេដស៍។ ឯកឧត្តមទេសរដ្ឋមន្រ្តីបានគូសបញ្ជាក់ថា ការប្តេជ្ញាចិត្តរួមរបស់យើងនៅថ្ងៃនេះ និងឆ្នាំខាងមុខនឹងធ្វើឱ្យបេសកកម្មរបស់ ផែនការយុទ្ធសាស្ត្រជាតិទូលំទូលាយ និងពហុវិស័យឆ្លើយតបនឹងមេរោគអេដស៍ និងជំងឺអេដស៍ លើកទី៦ (២០២៤-២០២៨) អាចធ្វើទៅបានពិតប្រាកដ។ ក្នុងរយៈពេល៥ឆ្នាំខាងមុខ កម្ពុជាយើងនឹងអាចធានាថាការឆ្លើយតបមេរោគអេដស៍ និងជំងឺអេដស៍ជាពហុវិស័យមានការសម្របសម្រួលយ៉ាងល្អ មានបរិយាបន្ន មានសហគមន៍ដែលម្ចាស់ការ មានការអនុវត្តអភិក្រមដែលយកប្រជាជនជាធំ មានភាពធន់ និងធានាបានចីរភាព ក្នុងការបញ្ចប់ជំងឺអេដស៍មិនឱ្យក្លាយជាការគំរាមកំហែងសុខភាពសាធារណៈនាឆ្នាំ២០២៨ខាងមុខនេះ បានក្លាយទៅជាពិតជាក់ស្តែង។

មុននឹងប្រកាសបើកសិក្ខាសាលា ឯកឧត្តមទេសរដ្ឋមន្រ្តីបានសង្កត់ធ្ងន់ថា ការបញ្ចប់ជំងឺអេដស៍តម្រូវឱ្យយើងទាំងអស់គ្នាកសាងភាពជាអ្នកដឹកនាំដ៏រឹងមាំ ដើម្បីជំរុញភាពជាដៃគូដែលមានបរិយាបន្ន និងការ វិនិយោគធនធាន និងពេលវេលាក្នុងការដោះស្រាយតម្រូវការរបស់ជនងាយរងគ្រោះ និងអ្នកដែលរងផលប៉ះពាល់ដោយសារមេរោគអេដស៍ និងជំងឺអេដស៍។ ជាមួយនឹងផែនការយុទ្ធសាស្រ្តជាតិ លើកទី៦ ឯកឧត្តម ទេសរដ្ឋមន្រ្តីផ្ញើសេចក្តីសង្ឃឹមលើអ្នកចូលរួមទាំងអស់ ក្នុងការលើកទឹកចិត្តឱ្យសហការីធ្វើការជាមួយសហគមន៍ ពិសេសយុវវ័យ ១) ក្នុងការបិទគម្លាតនៃគោលដៅ៩៥ដំបូង ២) រក្សាបាននូវផលចំណេញនៃការព្យាបាលដោយផ្តោតលើសមធម៌ និង៣)ជំរុញឱ្យមានចីរភាពនិងភាពជាម្ចាស់ក្នុងការឆ្លើយនឹងមេរោគអេដស៍ និងជំងឺអេដស៍។ ឯកឧត្តមទេសរដ្ឋមន្រ្តីបានបន្តថា ដោយឈរលើគោលនយោបាយជាតិបញ្ចប់ជំងឺអេដស៍ និងចីរភាពនៃការឆ្លើយតបនៅឆ្នាំ២០២៣-២០២៨ យើងគួរតែចាប់ផ្តើមពង្រីកវិសាលភាពនៃកម្មវិធីនានា ស្វែងយល់ស៊ីជម្រៅអំពីវិធីសាស្រ្តអន្តរាគមន៍ថ្មីៗ និងរៀបចំសកម្មភាពផ្លាស់ប្តូរ ដើម្បីបង្កើនប្រសិទ្ធភាព ប្រសិទ្ធផល និងចីរភាពនៃការឆ្លើយតបនឹងមេរោគអេដស៍ និងជំងឺអេដស៍។

សកម្មភាពរបស់ អ.ជ.ប.ជ.អ នៅលើប្រព័ន្ធផ្សព្វផ្សាយ

សារអេឡិចត្រូនិច