ព្រះរាជាណាចក្រកម្ពុជា
Kingdom of Cambodia

ជាតិ​ សាសនា ព្រះមហាក្សត្រ
Nation Religion King

សន្និសីទសារព័ត៌មាន ព្រះរាជាណាចក្រកម្ពុជា សម្រេចគោលដៅសកលមេរោគអេដស៍ ៩៥-៩៥-៩៥
សម្តេចបវរធិបតី ហ៊ុន ម៉ាណែត អនុញ្ញាតចូលជួបសម្តែងការគួរសម និងពិភាក្សាការងារ
​កិច្ចប្រជុំ​លើក​ទី៥៦នៃ​ក្រុមប្រឹក្សា​សម្របសម្រួល​កម្មវិធី​យូ​អិន​អេដស៍(UNAIDS)
កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី១ ឆ្នាំ២០២៦
ថ្វាយ​កម្រងផ្កា​គោរព​ព្រះវិញ្ញានក្ខន្ធ​ព្រះករុណា​ព្រះបរមរតន​កោដ្ឋឆ្នាំ២០២៥
ទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២៥
កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី១ ឆ្នាំ២០២៦
ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima
កិច្ចប្រជុំ យូអិនអេដស៍ (UNAIDS PCB) លើកទី៥៦
Contact us now:
info@naaa.gov.kh
+855 (0)23 885 129
+855 (0)23 885 279

ភាសាខ្មែរ   English
ចំនួនអ្នកទស្សនាគេហទំព័រ:

NAA Vistor Counter

កិច្ចប្រជុំថ្នាក់ដឹកនាំ​ចង្អៀត ក្រោម​អធិបតីភាព​ដ៏ខ្ពង់ខ្ពស់​របស់​ឯកឧត្តម​ទេសរដ្ឋមន្ត្រី អៀង មូលី ប្រធាន​អាជ្ញាធរជាតិ​ប្រយុទ្ធនឹង​ជំងឺអេដស៍

នារព្រឹកថ្ងៃសុក្រ ៤រោច ខែអស្សុជ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៤ ខែតុលា ឆ្នាំ២០២២ ចាប់ពីម៉ោង៩:០០នាទីព្រឹក អាជ្ញាធរជាតិ​ប្រយុទ្ធនឹង​ជំងឺអេដស៍ បានរៀបចំ​កិច្ចប្រជុំ​ថ្នាក់ដឹកនាំ​ចង្អៀត ក្រោម​អធិបតីភាព​ដ៏ខ្ពង់ខ្ពស់​របស់​ឯកឧត្តម​ទេសរដ្ឋមន្ត្រី អៀង មូលី ប្រធាន​អាជ្ញាធរជាតិ​ប្រយុទ្ធនឹង​ជំងឺអេដស៍។
កិច្ចប្រជុំនេះ​មានការ​អញ្ជើញ​ចូលរួមពី ឯកឧត្តម​អនុប្រធាន​ប្រចាំការ ឯកឧត្តម​អនុប្រធាន ទីប្រឹក្សា         អគ្គលេខាធិការ នាយក​ខុទ្ទកាល័យ និងប្រធាន​ស្តីទីនាយកដ្ឋាន​រដ្ឋបាល និងហិរញ្ញវត្ថុ នៅបន្ទប់​ប្រជុំ “ខ” ។
កិច្ចប្រជុំ​ដំណើរការ​តាមរបៀប​វារៈដូចខាងក្រោម ៖
១.  មតិបើក​អង្គប្រជុំ ដោយ ឯកឧត្តម​ទេសរដ្ឋ​មន្ត្រី ប្រធាន​អាជ្ញាធរជាតិ​ប្រយុទ្ធនឹង​ជំងឺអេដស៍។
២.  លទ្ធផលកិច្ចប្រជុំ​ក្រុមប្រឹក្សា​បច្ចេកទេស​លើកទី៩ និងប្រជុំ​កម្មវត្ថុ នៃកិច្ចប្រជុំ​ក្រុមប្រឹក្សា​បច្ចេកទេស​លើកទី១០ ឆ្នាំ២០២២ ពិនិត្យ​លើរបៀបវារៈ ស្តីពីការ​តាមដានដឹកនាំ​ដោយសហគមន៍ (Community Led Monitoring) ដោយ ឯកឧត្តមបណ្ឌិត ឈឹម ឃិនដារ៉េត អគ្គលេខា​ធិការ​​អាជ្ញាធរជាតិ​ប្រយុទ្ធនឹង​ជំងឺអេដស៍។
៣.  អនុសាសន៍ណែនាំ ដោយ ឯកឧត្តម​ទេសរដ្ឋមន្ត្រី ប្រធាន​អាជ្ញាធរជាតិ​ប្រយុទ្ធនឹង​ជំងឺអេដស៍ ។
ក្រោយការបង្ហាញ និងពិភាក្សា ឯកឧត្តម​ទេសរដ្ឋមន្ត្រី បានផ្តល់​អនុសាសន៍​ដ៏ខ្ពង់ខ្ពស់ ដូចខាងក្រោម៖
o  ថ្លែងការកោត​សរសើរ​ចំពោះ​លទ្ធផល នៃកិច្ចប្រជុំ​ក្រុមប្រឹក្សា​បច្ចេកទេស​លើកទី៩ ដែលបាន​ធ្វើកាល​ពីថ្ងៃទី២៣ ខែកញ្ញា ឆ្នាំ២០២២ និងឯកភាព​លើរបៀប​វារៈ នៃកិច្ចប្រជុំ​ក្រុមប្រឹក្សា​បច្ចេកទេស​លើកទី១០ ឆ្នាំ២០២២ ដែល​គ្រោង​នៅថ្ងៃទី​២៥ ខែតុលា ឆ្នាំ២០២២។
o  ណែនាំជូន ឯកឧត្តម​បណ្ឌិត​អគ្គលេខា​ធិការ ក្នុងកិច្ចប្រជុំ​ក្រុមប្រឹក្សា​បច្ចេកទេសយក និង        ប្រើប្រាស់​ទិន្នន័យ​កម្មវិធីជាក់ស្តែង​ចំពោះ​ចំនួនអ្នក​ផ្ទុកមេរោគ​អេដស៍ ចំនួន​អ្នកឆ្លងថ្មី និងចំនួន​អ្នកស្លាប់​ដោយសារ​ជំងឺអេដស៍ ដោយធ្វើកិច្ច​សហការ​ជាមួយ​មជ្ឈមណ្ឌលជាតិ​ប្រយុទ្ធនឹង​ជំងឺអេដស៍ សើស្បែក និងកាមរោគ នៃក្រសួង​សុខាភិបាល។
o  បន្តការងារផ្សព្វផ្សាយ​ការបង្ការ ទប់ស្កាត់​ការរីករាលដាល នៃមេរោគ​អេដស៍ ជាមួយ​ក្រសួង  ស្ថាប័ន​ពាក់ព័ន្ធ ជាពិសេស ក្រសួង​ព័ត៌មាន ក្រសួង​ទេសចរណ៍ ក្រសួង​អប់រំ យុវជន និងកីឡា ជាពិសេស​ដល់ក្រុម​ប្រជាជន​គន្លឹះ ដោយប្រើប្រាស់​សារសមស្រប តាមរយៈ​បច្ចេកទេស (ប្រព័ន្ធទំនាក់​ទំនងសង្គម​ផ្សេងៗ៖ Facebook, Telegram, Grinder,…)។
o ជំរុញការ​បង្ការ​តាមរយៈកម្មវិធី​ប្រើប្រាស់​ស្រោមអនាម័យ​មួយរយភាគរយ ការប្រើប្រាស់​ឱសថលេបការពារ​ជាមុន (PrEP) និងការធ្វើ​តេស្តរក​មេរោគអេដស៍​ដោយខ្លួនឯង (HIV Self Testing) ។