National AIDS Authority
ព្រះរាជាណាចក្រកម្ពុជា
Kingdom of Cambodia

ជាតិ​ សាសនា ព្រះមហាក្សត្រ
Nation Religion King

សិក្ខាសាលាពិគ្រោះយោបល់លើគម្រោងកម្មវិធីប្រយុទ្ធនឹងជំងឺអេដស៍
ឯកឧត្តមទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍អញ្ជើញជាអធិបតីក្នុងពិធីកាត់ខ្សែបូរសម្ពោធសមិទ្ធផលនានា នៅវត្តធម្មមង្គល
ឯកឧត្តមទេសរដ្ឋមន្រ្តី អៀង មូលី បានអញ្ជើញជាអធិបតីក្នុងពិធីអបអរសាទរទិវាអន្តរជាតិនារី លើកទី១០៧
ឯកឧត្តមទេសរដ្ឋមន្រ្តី អៀង មូលី ត្រូវបានបោះឆ្នោតជ្រើសជាសមាជិកក្រុមប្រឹក្សាភិបាលមូលនិធិសាកល សំរាប់មណ្ឌលតំបន់អាស៊ីប៉ាស៊ីហ្វិក
កិច្ចប្រជុំមណ្ឌលតំណាងអាសុី ប៉ាស៊ីហ្វិក ខាងលិច នៃ ក្រុមប្រឹក្សាភិបាលមូលនិធិសាកល
Contact us now:
info@naaa.gov.kh
+855 (0)23 885 129
+855 (0)23 885 279

ភាសាខ្មែរ   English
Visitors Counter:

NAA Vistor Counter

ឯកឧត្តមទេសរដ្ឋមន្រ្តី អៀង មូលី អញ្ជើញជាអធិបតី ក្នុងពីធីអបអរសាទរ សមិទ្ធផល២៥ឆ្នាំនៃការឆ្លើយតបនឹងការរាលដាលមេរោគអេដស៍

នៅទីស្តីការគណៈរដ្ឋមន្រ្តី នារសៀលថ្ងៃទី០៦ ខែមិថុនា ឆ្នាំ២០១៨ ឯកឧត្តម អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ ឯកឧត្តម លោកជំទាវ ជាថ្នាក់នាំអាជ្ញាធរជាតិ រួមជាមួយ ឯកឧត្តម លោកជំទាវ លោក លោកស្រី ថ្នាក់ដឹកនាំក្រសួង ស្ថាប័នថ្នាក់ជាតិ និង រដ្ឋបាលថ្នាក់ក្រោមជាតិ អស់លោក លោកស្រី ពីដៃគូអភិវឌ្ឍ អង្គការសង្គមស៊ីវិលជាតិ និងអន្តរជាតិ បណ្តាញអ្នកផ្ទុកមេរោគអេដស៍ បណ្តាញប្រជាជនគន្លឹះ និងអស់លោក លោកស្រីអតីតសកម្មជន បានប្រារព្វ ពិធីអបអរសាទរ​សមិទ្ធផល​២៥ឆ្នាំនៃការឆ្លើយតប​នឹងការរាលដាល​មេរោគអេដស៍។

ឯកឧត្តមទេសរដ្ឋមន្រ្តី បានមានប្រសាស រំលឹកថា នៅកម្ពុជាក្នុងឆ្នាំ១៩៩១ ករណីផ្ទុកមេរោគ អេដស៍ទី១ត្រូវបានរកឃើញ ២ឆ្នាំបន្ទាប់មកទៀត នៅឆ្នាំ១៩៩៣  ជាឆ្នាំដែលករណីជំងឺអេដស៍ដំបូង ត្រូវបានកំណត់រោគវិនិច្ឆ័យ។ ឆ្នាំបន្តបន្ទាប់ នៃទសវត្ស៩០ អត្រាផ្ទុកក្នុងចំណោមស្ត្រីរកស៊ីផ្លូវភេទ មានកំរិតខ្ពស់ ហើយអត្រាឆ្លង មេរោគអេដស៍ក្នុងចំណោមប្រជាជនទូទៅបានកើនឡើងជាគំហុក និង រាលដាលយ៉ាងឆាប់រហ័ស។  ប្រជាជនកម្ពុជាអ្នកដែលបានឆ្លង និងផ្ទុកមេរោគអេដស៍ បានធ្លាក់ខ្លួនឈឺ និង ស្លាប់ជាបន្តបន្ទាប់ វាជារយៈកាលមួយ ដែលកម្ពុជាបានជួប ឆ្លងកាត់ ជាមួយសេចក្តីភ័យខ្លាច តក់ស្លុត និង រើសអើងប្រឆាំងនឹងអ្នកជំងឺអេដស៍យ៉ាងខ្លាំងបំផុត។ ភាពសាហាវនៃការរាលដាល កង្វះចំណេះដឹង​និងមធ្យោបាយ​ក្នុងការបង្ការ និងកង្វះខាតលទ្ធភាព​ក្នុងការព្យាបាលនាពេលនោះ បានធ្វើអោយ​ប្រទេសកម្ពុជា​យើងបាត់បង់​នូវប្រជាជន​ក្នុងវ័យ​ពលកម្ម​ជាបន្តបន្ទាប់ បន្សល់ទុកនូវវិបត្តិសង្គម ការបែកបាក់គ្រួសារ កុមារកំព្រា និងភាពក្រីក្រ គួរអោយព្រួយបារម្មណ៍។ ភាពភ័យខ្លាច ការរអាល​មិនហ៊ាន​ទៅក្បែរអ្នកជំងឺ ការរើសអើង ការមាក់ងាយ និងបុរេវិនិច្ឆ័យ​ខុសឆ្គង​ទៅលើឥរិយាបទ​ផ្លូវភេទ​របស់ជនរងគ្រោះ កើតមានឡើងគ្រប់ទិសទី បង្ករនូវ​ឧបសគ្គ​យ៉ាងខ្លាំង​​ក្រៃលែង​ក្នុងយុទ្ធនាការ​​ប្រយុទ្ធទប់ទល់​នឹងជំងឺនេះ។ យើងនឹកឃើញអ្នកជំងឺអេដស៍​ដែលអកុសល​បានបាត់បង់ជីវិត​រៀងរាល់ថ្ងៃ នៅស្ទើរគ្រប់​មន្ទីរពេទ្យ​​ដែលយើងទៅដល់។ យើង ស្រមៃឃើញការបូជាសពអ្នកជំងឺអេដស៍​ជារៀងរាល់ថ្ងៃជាមួយនឹង​ទំនួញសោកស្តាយ​របស់សាច់ញាតិ និង​កូនកំព្រា​​ដែលមិនបានដឹង​រឿងអ្វីនៅឡើយ។

អស់រយៈកាល២៦ឆ្នាំកន្លងទៅនេះ កម្ពុជាបានប្រែក្លាយខ្លួនពីប្រទេសមួយ​ពោពេញទៅដោយសោកនាដកម្ម ស្លាប់ និរាសព្រាត់ប្រាស់សាជាថ្មី បន្ទាប់​ពីរបប​ខ្មែរក្រហម កម្ពុជាប្រជាធិបតេយ្យ និង សង្គ្រាមស៊ីវិល។

ការរីកចម្រើននៃ​មធ្យោបាយ​បង្ការការឆ្លង ការរកឃើញថ្នាំព្យាបាល​និងលទ្ធភាពពង្រីកវិសាលភាព​នៃការព្យាបាល​ក្នុងល្បឿនលឿន ព្រមទាំង ការគាំទ្រ​ខាងនយោបាយ​យ៉ាងមុតមាំ​នៃថ្នាក់ដឹកនាំកំពូល​រាជរដ្ឋាភិបាល​ក្នុងការទទួលយក​បច្ចេកវិទ្យាថ្មីៗ ធ្វើអោយប្រទេសកម្ពុជាយើង​អាចកាត់បន្ថយ​ការឆ្លងថ្មី​ពីរាប់សិបនាក់​ក្នុងមួយថ្ងៃ មកនៅត្រឹម​ប្រហែល២ទៅ៣នាក់​ក្នុង១ថ្ងៃនាពេលបច្ចុប្បន្ន។

 មគ្គុទេសភាព ការដឹកនាំ ការគាំទ្រខាងនយោ​បាយនិង យុទ្ធសាស្រ្តសព្វជ្រុងជ្រោយរបស់        សម្តេច​អគ្គ​មហាសេនាបតីតេជោ ហ៊ុន សែន នាយករដ្ឋមន្រ្តី​ព្រះរាជាណាចក្រកម្ពុជា និង សម្តេចកិត្តិព្រឹទ្ធបណ្ឌិត ប្រធានកាកបាទក្រហមកម្ពុជា បានពង្រឹងនូវ​កិច្ចសហការ​អន្តរវិស័យ​ក្នុងការឆ្លើយតប​នឹងការរីករាលដាល​មេរោគអេដស៍។ ការសិក្សាមួយរបស់អង្គការ UNAIDS បង្ហាញថា ​ប្រទេសកម្ពុជា​បានឈរក្នុង​លំដាប់​ជួរ​មុខគេ​បង្អស់ ក្នុងការបញ្ចៀស​មនុស្ស​មិនឱ្យឆ្លង​មេរោគអេដស៍ នៅតំបន់អាស៊ីប៉ាស៊ីហ្វិក ដោយ​ក្នុងរយ:កាល​២៦ឆ្នាំកន្លងទៅ យើងបានបញ្ចៀសមនុស្ស​៩សែននាក់មិនឱ្យឆ្លងមេរោគអេដស៍ និងបញ្ចៀស​មនុស្ស៦សែន​នាក់មិនឱ្យស្លាប់ដោយសារជំងឺអេដស៍។

បើទោះបីជាមានការថយចុះយ៉ាងច្រើនក្តី អត្រាមរណៈភាពក្នុងចំណោមអ្នកជំងឺអេដស៍នៅមានកម្រិតខ្ពស់គួរអោយកត់សម្គាល់ ដែលទាមទារ​នូវការយកចិត្​តទុកដាក់​មន្ថែមទៀត​ក្នុងការកែលម្អរ​ប្រសិទ្ធិភាព​នៃការព្យាបាល។ ក៏យើងនៅមានបញ្ហា​ប្រឈមរាប់មិនអស់ បញ្ហាធនធានចំណាយ ប្រយុទ្ធនឹង ជំងឺអេដស៍បាន​បន្តធ្លាក់ចុះ​ជាលំដាប់។ ការឆ្លើយតបជាពហុវិស័យ និងសមាហរណកម្ម នៃកម្មវិធី ប្រយុទ្ធ និងឆ្លើយតបទៅនឹង​មេរោគអេដស៍​និងជំងឺអេដស៍ ត្រូវតែធ្វើជាបន្ត ស្របតាមផែនការ យុទ្ធសាស្រ្តជាតិ លើកទីប្រាំ ២០១៩ ដល់២០២៥ និងស្របតាមផែនទីបង្ហាញផ្លូវ សំរាប់និរន្តរភាព និងកិច្ចខិតខំសម្រេចជោគជ័យ ស្វែងរក​ករណីថ្មីៗ​ថែមទៀត រួចបញ្ជូនទៅទទួលការ​ព្យាបាលដោយ ឱសថប្រឆាំងមេរោគអេដស៍។   

ឯកឧត្តមទេសរដ្ឋមន្រ្តី ក៏បានថ្លែងអំណរគុណសារជាថ្មី  និងបានផ្តលជូននូវប័ណ្ណសសើរ ជូនដល់សមាជិក​អាជ្ញាធរជាតិប្រយុទ្ធនឹងជំងឺអេដស៍​ កម្មវិធីរួម​អង្គការសហប្រជាជាតិ​ប្រយុទ្ធនឹងជំងឺអេដស៍ អង្គការUNAIDS ដៃគូអភិវឌ្ឍទាំងអស់ មូលនិធិសកល អង្គការសង្គមស៊ីវិលជាតិ និងអន្តរជាតិ ផ្នែកឯកជន សិល្បៈករ​សិល្បៈការិនី បណ្តាញអ្នកផ្ទុកមេរោគអេដស៍ បណ្តាញប្រជាជនគន្លឹះទាំងអស់ ដែលបាន​រួមចំណែក​យ៉ាងសកម្ម​ក្នុងការសម្រេចបាន​នូវសមិទ្ធផល​ជាទីមោទនៈ​ជូនប្រទេស​កម្ពុជា​នាពេល កន្លងមកនេះ។